काठमाडौं । बुधवार सुनको मूल्य वृद्धि भएको छ । साताको चौथो कारोबार दिन छापावाला सुनको मूल्य प्रतितोला ९ सय रुपैयाँले वृद्धि भएको छ ।
अघिल्लो दिन ८९ हजार २ सय रुपैयाँमा कारोबार भएको सुनको मूल्य आज बढेर ९० हजार १ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार तेजावी सुनको मूल्य ८९ हजार ६५० रुपैयाँ कायम भएको छ । अघिल्लो दिन ८८ हजार ७५० रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । अघिल्लो दिन १ हजार १४० रुपैयाँमा कारोबार भएको चाँदीको आज बढेर १ हजार १६५ रुपैयाँ कायम भएको छ ।
वि.सं.२०७८ असोज ६ बुधवार ११:१४ मा प्रकाशित