काठमडौं । आरएमडीसी लघुवित्त वित्तीय संस्थाले संस्थापक सेयर बिक्री गर्ने भएको छ ।
कम्पनीले एनआईसी एशिया बैंकको स्वामित्वमा रहेको ३ लाख ६५ कित्ता संस्थापक सेयर बिक्री गर्न लागेको हो ।
उक्त सेयरको नयुनतम मूल्य प्रतिकित्ता ५३९ रुपैयाँ तोकिएको छ । उक्त सेयर खरिद गर्न इच्छुक विद्यमान संस्थापकहरु वा जो कोही व्यक्ति, कम्पनी, संघ/संस्थाहरुले असोज १५ गते कार्यालय समयभित्र आवेदन दिन सक्नेछन् ।
सेयर खरिदका लागि तोकिएको न्युनतम मूल्य भन्दा बढी अंकित गरि आवेदन पेश गर्नुपर्ने कम्पनीले जनाएको छ ।
सेयर खरिदका लागि बोलकबोल गर्दा न्युनतम १ हजार कित्ता र अधिकतम सम्पूर्ण कित्ताका लागि आवेदन दिन सकिनेछ । बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ असोज ६ बुधवार १४:२८ मा प्रकाशित