काठमाडौं । माछापुच्छ्रे बैंकले लगानीकर्तालाई १४ प्रतिशत लाभांश दिने भएको छ ।
बैंकको असोज ६ गते बसेको संचालक समितिको बैठकले आर्थिक बर्ष २०७७-७८ को खुद मुनाफाबाट सेयरधनीलाई चूक्ता पूँजीको १४ प्रतिशत बोनस लाभांश दिने निर्णय गरेको हो ।
बैंकले लगानीकर्तालाई १३.३० प्रतिशत बोनस सेयर र कर प्रयोजनको लागि ०.७० प्रतिशत नगद लाभांश दिने प्रस्ताव गरेको छ । यो प्रस्ताव राष्ट्र बैंकको स्वीकृत गरेर आगामि बार्षिक साधारणसभाले पारित गरेपछि लगानीकर्ताले पाउनेछन् ।
बैंकले गत आर्थिक वर्षमा १ अर्ब ६० करोड ७४ लाख रुपैयाँ खुद नाफा गरेर प्रतिशेयर आम्दानी १७ रुपैयाँ ७६ पैसा कायम गरेको थियो । बैंकको चुक्ता पूँजी ९ अर्ब ५ करोड रुपैयातथा साधारण जगेडा कोषमा २ अर्ब २ करोड रुपैयाँ संचित रहेको छ ।
बैंकले सातै प्रदेशमा १६२ वटा शाखाहरु र १७५ शाखारहित बैकिङ्ग सेवा, ७ एक्सटेन्सन काउण्टर समेत गरी जम्मा ३४४ स्थानवाट १० लाख भन्दा बढि ग्राहक महानुभावहरुमा सम्पुर्ण बैंकिङ सुबिधा प्रदान गरिरहेको छ । साथै, बंैकको देशभर २०३ वटा एटीएमहरु संचालनमा रहेको छन् ।
वि.सं.२०७८ असोज ६ बुधवार १७:५७ मा प्रकाशित
