काठमाडौं । यामाहाको आधिकारिक बिक्रेता एमएडब्लु इन्टरप्राइजेजले दशै तिहार लक्षित नयाँ अफर ल्याएको छ । यामाहा कम्पनीले ‘रेस फर दि एस’ अफर सार्वजनिक गरेको हो ।
यामाहा मोटरसाइकल तथा स्कुटर खरिद गर्ने ग्राहकले स्क्र्याचमार्फत न्यूनतम ८ हजारदेखि १ लाख रुपैयाँसम्म स्योर सट छुट पाउनेछन् ।
साथै कम्पनीको मोटरसाइकल तथा स्कुटरको खरिद गर्दा १२ तोलासम्म सुन उपहार जित्न सकिनेछ । ‘रेस फर दि एस’ स्किम अन्तर्गत बम्परमा एकजना भाग्यशाली विजेताले १२ तोला सुन उपहार पाउने यामाहाले जनाएको छ ।
त्यसैगरी लक्की ड्रमार्फत हरेक हप्ता एकजना भाग्यशाली विजेताले ४ तोला तौल भएको तीनवटा एक्का तास अर्थात १२ तोला सुन उपहार पाउनेछन् ।
यामाहा मोटरसाइकल : कुनको कति मूल्य ?
नेपाली बजारमा यामाहाको न्युनतम २ लाख २४ हजारदेखि ९ लाख रुपैयाँसम्मका विभिन्न ११ मोडेलका बाइक नेपाली बजारमा उपलब्ध छन् । मूल्य मोडेल अनुसार फरकफरक रहेको कम्पनीले जनाएको छ ।
जसमध्ये यामाहाको स्यालुटो बाइकको २ लाख २४ हजार ९ सय रुपैया, एसजेट–आरआरको २ लाख ४६ हजार ९ सय रुपैयाँ, एफजेट भीटुको २ लाख ८९ हजार ९ सय रुपैयाँ मूल्य पर्दछ ।
यस्तै, एफजेटएस भीटुको ३ लाख १४ हजार ९ सय, एफजेटएस भीथ्रीको ३ लाख ३४ हजार ९ सय, एफएजेटइआर–२५ को ४ लाख १४ हजार ९ सय, एमटी–१५ को ४ लाख ४२ हजार ९ सय, एफजेट–२५को ४ लाख ४७ हजार ९ सय, आर१५ भीथ्रीको ४ लाख ८१ हजार ९ सय रुपैयाँ पर्ने कम्पनीले जनाएको छ ।
कम्पनीका अनुसार एक्सटीजेट १५० एफआईको भने ५ लाख ३९ हजार ९ सय रुपैयाँ मूल्य रहेको छ । यामाको सबैभन्दा बढी मूल्य पर्ने आरथ्री बाइक रहेको छ । जसको मूल्य ९ लाख २४ हजार ९ सय रुपैयाँ पदर्छ ।
यामाहा स्कुटर: कुनको कति मूल्य ?
नेपाली बजारमा यामाहाले विभिन्न ७ मोडेलमा स्कुटर उपलब्ध गराउँदै आएको छ । यामाहाका स्कुटर नेपालमा २ लाखदेखि साढे चार लाख रुपैयाँ बढी मूल्यमा उपलब्ध छन् ।
नेपाली बजारमा उपलब्ध यामाहाको रेजेट ११३ मोडेलको स्कुटरलाई २ लाख ६ हजार ९ सय रुपैयाँ मूल्य पर्दछ । यो यामाहाको सबैभन्दा सस्तो स्कुटर मानिन्छ ।
यामाहा फ्सिनो ११३ को २ लाख १८ हजार ९ सय, रे जेटआर स्ट्रेट रेल्ली ११३ को २ लाख २० हजरा ९ सय, फ्यासिनो १२५ एफआई २ लाख ६६ हजार ९ सय र रेजेटआर १२५ एफआईको २ लाख ६१ हजार ९ सय रुपैयाँ पर्दछ ।
यस्तै, यामाहाको रेजेटआजर स्ट्रेट रेल्ली १२५ एफआईको २ लाख ७२ हजार ९ सय रुपैयाँ र यामाहा एनम्याक्स १५५ मोडेलको स्कुटरलाई ४ लाख ६९ हजार ९ सय रुपैयाँ पर्ने कम्पनीले जनाएको छ ।
वि.सं.२०७८ असोज ७ बिहीवार १३:०९ मा प्रकाशित