काठमाडौं । नेपाली बजारमा सुनको मूल्यमा भारी गिरावट आएको छ । एक वर्षको अवधिमा छापावाला सुनको मूल्य साढे चार हजार रुपैयाँले सस्तिएको हो ।
गत वर्षको असोज ७ गतेदेखि यस वर्षको सोही दिनको तुलनामा छापावला सुनको मूल्य प्रतितोला ४ हजार ७ सय रुपैयाँले घटेको देखिएको छ ।
नेपाल सुनचाँदी व्यवसायी महासंघका अनुसार गत वर्षको असोज ७ गते छापावाला सुन प्रतितोला ९४ हजार ३ सय रुपैयाँमा खरिदबिक्री भएको थियो । तर, यस वर्षको सोही दिनसम्म आईपुग्दा भने घटेर ८९ हजार ६ सय रुपैयाँ कायम भएको महासंघले जनाएको छ ।
यस्तै, उक्त अवधिमा चाँदीको मूल्य पनि सस्तो भएको छ । एक वर्षको अवधिमा चाँदीको मूल्यमा प्रतितोला ४५ रुपैयाँको गिरावट आएको महासंघले जनाएको छ ।
गत वर्षको असोज ७ गते प्रतितोला १ हजार २ सय रुपैयाँमा कारोबार भएको चाँदी यस वर्षको सोही दिनसम्म आईपुग्दा भने १ हजार १५५ रुपैयाँमा झरेको हो ।
वि.सं.२०७८ असोज ७ बिहीवार १४:०८ मा प्रकाशित
