काठमाडौं । सरकारले कोरोना विरुद्धको खोपको मात्रा पुरा गरेको विदेशी नागरिकलाई अनअराइभल भिसा दिने भएको छ ।
संस्कृति, पर्यटन तथा नागरिक उडड्यन मन्त्रालयले विदेशबाट नेपाल आगमन हुने र नेपालबाट प्रस्थान गर्ने यात्राुहरुको यात्रा व्यवस्थापन सम्बन्धी आदेश २०७८ जारी गर्दै यस्तो व्यवस्था गरेको हो ।
मन्त्रालयका अनुसार नेपाल आउने नागरिकले कोरोना विरुद्धको खोपको मात्रा पूरा गरेको १४ दिन पूरा भएको प्रमाण, हवाई उडानका लागि चेक इन हुनुभन्दा ७२ घण्टाभित्रको कोभिड परीक्षणको रिपोर्ट नेगेटिभ भएको प्रमाण, पर्वतारोहण र पदयात्रा तथा अनुमति लिनुपर्ने अन्य विषयको हकमा सो सम्बन्धि अनुमतिको प्रतिलिपि, नेपालमा होटल बुक गरेको प्रमाण र सीसीएमसीको वेवसाइटमा अनलाइन फारम भरेको प्रमाण चाहिने छ ।
नेपाल आउने सबै विदेशी नागरिकको नेपालस्थित अध्यागमन प्रवेश बिन्दुमा एण्टीजेन्ट परीक्षण गर्नुपर्नेछ । त्यस्तो परीक्षणबाट पोजेटिभ देखिएमा अनवार्य रुपमा स्वास्थ्य तथा जनसंख्या मन्त्रालयले तोकेको आइसोलेसन वा अस्पतालमा पठाउनुपर्ने छ ।
रिपोर्ट नेगेटिभ आएपछि मात्रै घुम्न पाउनेछन् । विदेशी नागरिकले नेपालमा प्रवेश गरेपछि पालना गर्नुपर्ने ७ वटा शर्त राखिएको छ ।
विदेशी नागरिकलाई शर्तसहित अनअराइभल भिसा दिने
वि.सं.२०७८ असोज ७ बिहीवार १८:१३ मा प्रकाशित
