काठमाडौं । एभरेष्ट बैंकले पहिलो पटक नेपाली मुलका प्रमुख कार्यकारी अधिकृत (सिइओ) पाएको छ ।
बैंकको २ दशकको इतिहासमा नै पहिलो पटक नेपाली मुलका सुदेश खालिङले सिइओको जिम्मेवारी सम्हाल्नु भएको छ । उहाँले शुक्रबार (आज)देखि लागू हुनेगरी एभरेष्ट बैंकमा सीइओ जिम्मेवारी लिनुृ भएको छ ।
खालिङले यसअघि लक्ष्मी बैंकमा ४ वर्ष कार्यकाल सिइओको रुपमा कार्यभार सम्हालिसक्नु भएको छ । साथै सिटिजन्स बैंकमा सञ्चालक भएर काम गरिसक्नु भएको छ । उहाँसग बैंकिङ क्षेत्रमा काम गरेको तीन दशकभन्दा लामो अनुभव रहेको छ ।
वि.सं.२०७८ असोज ८ शुक्रवार १२:१७ मा प्रकाशित