काठमाडौं । कामना सेवा विकास बैंकले छिटो कनेक्ट र मनम इन्फोटेकको सहकार्यमा के.एस. डिजी (डिजिटल वालेट) सेवा संचालनमा ल्याएको छ ।
उक्त सेवाको प्रयोग गरी बैंकमा खाता नभएका महानुभावहरुले पनि घरमै बसी झन्झटरहित तवरले मात्र केहि कागजातहरु अपलोड गरि ‘के.एस डिजी’ खोल्न सक्नुहुनेछ ।
एक कार्यक्रममाबीच बैंकका प्रमुख कार्यकारी अधिकृत प्रविण बस्नेतले उक्त वालेट सेवाको सुभारम्भ गर्नुभएको भयो ।
उक्त डिजिटल वालेट खोल्न एपमा फेश रिकोग्नाइजेशन गर्न सक्ने आर्टिंफिसियल इन्टलिजेन्सको प्रयोग भएको बैंकले जनाएको छ ।
साथै, खाता खोल्न, कर्जा माग क्यूआर कोड एमक्यास लगायतका बैंकिङ सेवा तथा सुविधाहरु रहेका छन् ।
काठमाडौंको ज्ञानेश्वरमा केन्द्रीय कार्यालय रहेको बैंकले देशका विभिन्न भागहरुमा १२९ वटा शाखा, १ वटा ऐक्सटेन्सन काउन्टर तथा ७६ वटा एटीएम मार्फत ग्राहकहरुलाई आफनो सेवा तथा सुविधाहरु प्रदान गर्दै आएको छ ।
साथै बैकंले आफूलाई डिजिटल बैंकिङ् सेवाहरुमा अब्वल बैकंको रुपमा स्थापित गर्ने उदेश्य रहेको बैंकले जनाएको छ ।
वि.सं.२०७८ असोज ८ शुक्रवार १६:०१ मा प्रकाशित