चितवन । नेकपा स्थायी कमिटी सदस्य रामबदादुर थापा ‘ बादल’ले कृषि सहजीकरण गरेर उत्पादन र बजारीकरणलाई व्यवस्थित गर्नुपर्ने आवश्यक्ता रहेको बताउनुभएको छ ।
चितनमा आजदेखि सुरु भएको नेपाल किसान महासंघको संयुक्त राष्ट्रिय भेलामा थापाले किसानको विकास र समृद्धिले मात्र देश विकास सम्भव हुने बताउनुभयो ।
उहाँले भुमिहिन किसानको समस्या समाधान गर्न गठन गरिएको भुमि समस्या समाधान आयोग खारेज गरेर यो बुर्जुवा सरकारले किसानहरुलाई दरिद्रता तर्फ धकेलेको आरोप लगाउनुभयो ।
भेला विषयगत उत्पादक, सामुदायिक र बर्गिय किसानका २२ संगठनका प्रतिनिधिहरुको कार्यक्रममा सहभागीता रहेको छ ।
असोज ९ गतेसम्म जारी रहने सो संयुक्त राष्ट्रिय भेलामा किसानका सबै प्रदेश कमिटी र ७७ जिल्लाका ३०० भन्दा बढी किसान प्रतिनिधिको सहभागीता रहेको अखिल नेपाल किसान महासंघ चितवनका सचिव सिपी अधिकारीले जानकारी दिनुभयो ।
भेलामा २२ विषयगत संघको समुहगत छलफल हुनेछ भने कृषिमा आत्मनिर्भरता, व्यावसायिक कृषि र कृषिमा आधुनिकिकरणका सन्दर्भमा राष्ट्रिय भेलामा छलफल हुने छ ।
वि.सं.२०७८ असोज ८ शुक्रवार १६:४९ मा प्रकाशित