काठमाडौं । मानुषी लघुवित्त वित्तीय संस्थाको साधारण सेयर (आइपीओ) नेपाल स्टक एक्सचेन्ज (नेप्से)मा सूचीकृत भएको छ ।
कारोबार भने भोली सोमबार देखी मात्रै हुने भएको छ । नेप्सेमा अनुसार संस्थाको १० लाख ९३ हजार ७ सय ५० कित्ता सेयर नेप्सेमा सूचीकृत भएको हो ।
संस्थाको आइपीओले प्रति कित्ता १३२ रुपैयाँ ६९ पैसादेखि ३९८ रुपैयाँ ०७ पैसासम्म ओपनिङ रेञ्ज पाएको छ । यही भित्र रहेर पहिलो कारोबार हुनेछ ।
संस्थाले साउन २७ देखि प्रति कित्ता १०० रुपैयाँका दरले ३ करोड ९३ लाख ७५ हजार रूपैयाँको ३ लाख ९३ हजार ७ सय ५० कित्ता सेयर निष्कासन गरेको थियो । जसमा ५ हजार ४६९ कित्ता कर्मचारी र १९ हजार ६८८ कित्ता सेयर सामूहिक लगानी कोषलाई छुट्याएर ३ लाख ६८ हजार ५९३ कित्ता सेयर सर्वसाधारणलाई छुट्याइएको थियो ।
आइपीओमा २३ लाख ६१ हजार ८ सय २७ जनाको आवेदन परेकोमा ७ हजार ४३ जनाको आवेदन रद्द भएर २३ लाख ५४ हजार ७ सय ८४ जना मात्रै योग्य ठहरिएका थिए । जसबाट ३६ हजार ८ सय ५९ जनाले १० कित्ता सेयर पाएका थिए । जसबाट ३ जनाले थप १ कित्तासहित ११ कित्ता सेयर पाएका थिए ।
वि.सं.२०७८ असोज १० आइतवार १४:३० मा प्रकाशित
