काठमाडौं । सेयर बजारमा पहिरो जाँदा केही कम्पनीका लगानीकर्ताले कमाएका छन् भने अधिकांश कम्पनीका लगानीकर्ताले गुमाएका छन् ।
यो दिनको कारोबारमा मनकामना स्मार्ट लघुवित्त वित्तीय संस्थाका लगानीकर्ताले मनग्य आम्दानी गरेका छन् ।
कारोबारमा मनकामनाको सेयर मूल्य १० प्रतिशतले बढेको छ । यो दिन कम्पनीको सेयर मूल्य १४४८ रुपैयाँ ९० पैसा पुगेको छ ।
यस्तै मैलुङ खोला जलविद्युत कम्पनीको सेयर मूल्य ६.०३ प्रतिशतले बढेको छ भने सिटिजन्स म्यूचुअल फण्ड–१ को ३.४० प्रतिशत, सनराइज फस्ट म्यूचुअल फण्डको २.३१ प्रतिशतले बढेको छ ।
यता आईसीएफसी फाइनान्सको ८.९८, घलेम्दी हाईड्रोको ७.९६, मल्टिप्रपोज फाइनान्स कम्पनीको ७.६६, बेस्ट फाइनान्सको ७.६०, मायन्टेन हाईड्रो नेपालको सेयर मूल्य ७.३७ प्रतिशतले घटेको छ । यी कम्पनीका लगानीकर्ताले यो दिन गुमाएका छन् ।
वि.सं.२०७८ असोज १० आइतवार १५:४१ मा प्रकाशित