काठमाडौं । साताको दोस्रो कारोबार दिन सुनको मूल्य वृद्धि भएको छ । नेपाली बजारमा आज छापावाला सुनको मूल्य प्रतितोला ३ सय रुपैयाँले वृद्धि भएको हो ।
अघिल्लो दिन ८९ हजार रुपैयाँमा कारोबार भएको सुन आज बढेर ८९ हजार ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । महासंघका अनुसार आज तेजावी सुनको मूल्य भने ८८ हजार ८५० रुपैयाँ तोकिएको छ ।
यस्तै, उक्त दिन चाँदीको मूल्यमा पनि वृद्धि भएको छ । आज प्रतितोला १० रुपैयाँले वृद्धि भई १ हजार १६० रुपैयाँ पुगेको छ ।
अघिल्लो कारोबार दिन चाँदी तोलाको १ हजार १५० रुपैयाँमा खरिदबिक्री भएको महासंघले जनाएको छ ।
वि.सं.२०७८ असोज ११ सोमवार ११:१९ मा प्रकाशित