काठमाडौं । नेपाल क्रेडिट एण्ड कमर्स बैंक(एनसीसी)ले १४ लाख कित्ता संस्थापक सेयर बिक्री गर्ने भएको छ ।
आइतबार एक सूचना निकाल्दै बैंकका एक दर्जन संस्थापक सेयरधनीहरुले आफ्नो नाममा रहेको उक्त सेयर बिक्री गर्न लागेका हुन् ।
जसमध्ये सेयरधनी एन बी ग्रुप(नेपाल) प्रालिको १ लाख ३३ हजार ८० कित्ता, बिनु श्रेष्ठको ३० हजार कित्ता, दोलखा भिमसेन इन्भेष्टमेन्ट प्रालिकोको ८० हजार कित्ता, हिमालयन क्यापिटल मार्केट्सको ३७ हजार कित्ता, उत्तम खनाको ७ हजार ६१ कित्ता, कल्याण पौडयालको २५ हजार ९१९ कित्ता संस्थापक सेयर बिक्री गर्न लागेको हो ।
यस्तै, विदुशा ओझाको ४२ हजार ४७, भेषराज लोहनीको १० लाख २ हजार ६६६ कित्ता, ठाकुरप्रसाद भट्टराईको ३२ हजार ७९२ कित्ता, मोहन प्रजापतिको १० हजार कित्ता, यज्ञ कुमार मास्केको ४ हजार ७०६ कित्ता र बिनोद रञ्जितको ८ हजार ८६३ कित्ता रहेको छ ।
उक्त सेयर खरिद गर्नका लागि इच्छुक विद्यमान संस्थापक सेयरधनीहरुले आजैका मितिदेखि ३४ दिन भित्र आवेदन दिन सक्नेछन् ।
बैंकको बागबजार स्थित कार्यालयको सेयर शाखामा लिखित निवेदन सहित सम्पर्क गर्नुपर्ने सूचनामा उल्लेख छ ।
तोकिएका म्यादभित्र संस्थापक सेयरधनीहरुको सेयर खरिदका लागि आवेदन नपरेमा अन्य खरिदकर्तालाई बिक्री गर्ने प्रक्रिया अगाडी बढाईने बैंकले जनाएको छ ।
हेर्नुहोस्, कसको कति कित्ता ?
वि.सं.२०७८ असोज ११ सोमवार ११:५७ मा प्रकाशित