काठमाडौं । बुद्धभूमि नेपाल हाइड्रोपावरको आईपीओमा पहिलो दिन ४ लाखा ५३ हजार ७७८ जनाले आवेदन दिएका छन् ।
कम्पनीको आईपीओमा ५९ करोड ४९ लाख ९४ हजार रुपैयाँ बराबरको ५९ लाख ४९ हजार ९४० कित्ताका लागि आवेदन परेको हो ।
कम्पनीले आजदेखि प्रतिकित्ता १०० रुपैयाँको दरले ८ करोड रुपैयाँ बराबरको ८ लाख कित्ता आइपीओ निष्कासन गरेको हो ।
जसमा ४० हजार कित्ता म्युचुअल फन्ड र १६ हजार कित्ता सेयर कर्मचारीहरुका लागि छुट्याइएको छ भने बाँकी ७ लाख ४४ हजार कित्तामा सर्वसाधारणले आवेदन दिन पाउनेछन् ।
उक्त आइपीओमा असोज १४ गतेसम्म आवेदन दिन सकिनेछ । त्यस अवधिमा माग अनुसार आवेदन नपरेको खण्डमा असोज २५ गतेसम्म आवेदन दिन सकिनेछ । आइपीओमा न्यूनतम १० देखि अधिकतम ५० हजार कित्तासम्म आवेदन दिन सकिने छ ।
आइपीओमा सि–आस्वा सदस्य रहेका बैंक तथा वित्तीय संस्था र मेरो मेरो सेयरबाट आवेदन दिन सकिन छ । यसको बिक्री प्रबन्धक सिभिल क्यापिटल मार्केट रहेको छ । कम्पनीकोे आइपीओलाई इक्रा नेपालले ‘इक्रएनपी आइआर डबल बी माइनस’ रेटिङ दिएको छ ।
वि.सं.२०७८ असोज ११ सोमवार १७:२५ मा प्रकाशित
