काठमाडौं । प्रहरी प्रधान कार्यालय केन्द्रिय अनुसन्धान ब्यूरो(सीआईबी)ले बैंकिङ कसूर मुद्दाका फरार व्यक्तिलाई पक्राउ गरेको छ ।
प्रहरीले खोटाङको जन्तेढुंगा गाउपालिका–३ घर भई हाल काठमाडौंको कपन बस्दै आएका २६ वर्षीय खगेन्द्र खत्रीलाई पक्राउ गरेको हो ।
खत्रीले आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारी ग्लोबल आइएमई बैंकको चेक काटी दिएका थिए ।
उनलाई २०७७ पुस २८ गते उच्च अदालत पाटनले बैंकिङ कसूरजन्य अपराध ठहर गरी १० लाख ६५ हजार जरिवाना र ४ दिन कैद सजाय सुनाएको थियो ।
उक्त मुद्दामा खत्री फरार रहेका थिए । केन्द्रीय अनुसन्धान ब्यूरोले काठमाडौंबाट पक्राउ गरि फैसला कार्यालयन्वयनका लागि जिल्ला अदालत काठमाडौंमा पेश गरेको बताइएको छ ।
वि.सं.२०७८ असोज १२ मंगलवार १३:४२ मा प्रकाशित