काठमाडौं । साताको तेस्रो कारोबार दिन सेयर बजारमा भारी गिरावट आएको छ । उक्त दिन बजार ७०.०१ अंकले घटेको हो ।
आज बजार परिसुचक २६१५.४० अंकको बिन्दुमा पुगेर बन्द भएको छ । बजारमा आएको लगातार गिरावटका कारण नयाँ लगानीकर्ता हतोत्तसाहित हुने अवस्था सृजना भएको छ ।
उक्त दिन ५ अर्ब ७४ करोड ५४ लाख ८८ हजार रुपैयाँ बराबरको सेयर कारोबार भएको छ ।उक्त दिन सबै समूहहरु राताम्मे बनेका छन् ।
मंगलबार बैंकिङ सब इन्डेक्स ३६.०३ अंक, विकास बैंक १५४.४१, फाइनान्स १७५.५९, होटेल तथा पर्यटन २४.३१, जलविद्युत १३८, लगानी इन्डेक्स ३.५२ अंकले घटेको हो ।
यस्तै, जीवन बीमा ४३१.९१ अंक, उत्पादन तथा प्रशोधन ८९.२३, माइक्रोफाइनान्स १११.९९, म्युचुअल फण्ड ०.१७, निर्जीवन बीमा ३२५.५६, व्यापार समूह ७९.३९ र अन्य इन्डेक्स ३१.१३ अंकले घटेको छ ।
वि.सं.२०७८ असोज १२ मंगलवार १५:२६ मा प्रकाशित