काठमाडौं । साताको तेस्रो कारोबार दिन सेयर बजारमा भारी गिरावट आएको छ । उक्त दिन बजार ७०.०१ अंकले घटेको हो ।
आज बजार परिसुचक २६१५.४० अंकको बिन्दुमा पुगेर बन्द भएको छ । उक्त दिन ५ अर्ब ७४ करोड ५४ लाख ८८ हजार रुपैयाँ बराबरको सेयर कारोबार भएको छ ।
आज सबैभन्दा बढी कुमारी बैंक सेयर कारोबार भएको छ । उक्त दिन बैंकको १८ करोड ८२ लाख २७ हजार रुपैयाँ बराबरको कारोबार भएको छ ।
नेपाल स्टक एक्सचेञ्ज (नेप्से)का अनुसार आज बैंकको ६ लाख ११ हजार ४८४ कित्ता सेयर खरिदबिक्री भएको छ ।
बैंकले आजै ८.६७ प्रतिशत लाभांश घोषणा गरेको छ । बैंकले आर्थिक वर्ष २०७७/७८ को मुनाफाबाट ६ प्रतिशत बोनस र कर प्रयोजन सहित २.६७ प्रतिशत नगद लाभांश दिने भएको हो । यसकारण लगानीकर्ता आज आकर्षित भएका हुन् ।
कारोबारकै आधारमा दोस्रो स्थानमा रहेको हिमालयन डिस्टीलरीको १७ करोड ३८ लाख ४८ हजार रुपैयाँ बराबरको सेयर खरिदबिक्री भएको छ । उक्त दिन कम्पनीको २६ हजार ४४९ कित्ता सेयर किनबेच भएको नेप्सेले जनाएको छ ।
यस्तै, मंगलबार नेशनल हाइड्रोपावर कम्पनीको १५ करोड ४८ लाख ७८ हजार रुपैयाँ बराबरको कारोबार भएको छ । कम्पनीको आज ३ लाख ८१ हजार २५५ कित्ता सेयर खरिदबिक्री भएको हो ।
त्यसैगरि आज आइसीएफसीको पनि १५ करोड ३७ लाख २७ हजार रुपैयाँ बराबरको २ लाख २९ हजार ८१५ कित्ता सेयर किनबेच भएको नेप्सेले जनाएको छ ।
वि.सं.२०७८ असोज १२ मंगलवार १५:४१ मा प्रकाशित
