काठमाडौं । मंगलबार सानिमा लाइफ र यूनियन लाइफ इन्स्योरेन्सको सेयर मूल्यमा गिरावट आएको छ ।
उक्त दिन सानिमा लाइफको सेयर मूल्य ५.१४ प्रतिशतले घटेको हो । आज कम्पनीको सेयर मूल्य प्रतिकित्ता २९ रुपैयाँले घटेको हो । योसंगै कम्पनीको सेयर मूल्य आज ५३५ रुपैयाँ कायम भएको छ ।
उक्त दिन कम्पनीको १ करोड २३ लाख ८९ हजार रुपैयाँ बराबरको २२ हजार ७६५ कित्ता सेयर खरिदबिक्री भएको नेप्सेले जनाएको छ ।
यस्तै, यूनियन लाइफको सेयर मूल्य आज ३.१५ प्रतिशतले घटेको छ । उक्त दिन कम्पनीको सेयर मूल्य प्रतिकित्ता १८ रुपैयाँले घटेर ५५९ रुपैयाँ कायम भएको छ ।
नेप्सेका अनुसार आज कम्पनीको ९२ लाख ८१ हजार रुपैयाँ बराबरको १६ हजार ४३५ कित्ता सेयर किनबेच भएको हो ।
वि.सं.२०७८ असोज १२ मंगलवार १६:१२ मा प्रकाशित