काठमाडौं । बैंकिङ प्रणालीमा लगानी योग्य रकम (तरलता) अभाव भएपछि नेपाल राष्ट्र बैंकले रिपो जारी गर्ने भएको छ ।
राष्ट्र बैंकले असोज १३ गते (आज) देखी ३० अर्ब रुपैयाँको रिपो जारी गर्न लागेको हो । उक्त रिपोको अवधि एक साताको लागि रहेको छ । रिपो असोज २० गते परिपक्व हुने छ ।
राष्ट्र बैंकका अनुसार रिपोको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थाले सहभागी हुन पाउने छन । यसमा अनलाइन विडिङ्ग प्रणाली मार्फत सहभागी हुनुपर्ने छ ।
बैंकिङ प्रणालीमा तरलताका समस्या देखिएमा बैंकले अल्पकालीन अवधिको रिपो जारी गर्छ
राष्ट्र बैंकले यसअघि १ खर्बको रिपो जारी गरिसकेको छ । भदौ १७ गते २० अर्ब, २४ गते ३० अर्ब, ३१ गते २० अर्ब तथा असोज पहिलो साता ३० अर्ब रुपैयाँको रिपो जारी गरेको थियो ।
वि.सं.२०७८ असोज १३ बुधवार १५:०१ मा प्रकाशित