काठमाडौं । बुधवार सानिमा लाइफ र यूनियन लाइफ इन्स्योरेन्सको सेयर मूल्यमा बढोत्तरी आएको छ ।
उक्त दिन सानिमा लाइफको सेयर मूल्य २.४३ प्रतिशत र यूनियन लाइफको २.३३ प्रतिशतले वृद्धि भएको हो ।
साताको चौथो कारोबार दिन सानिमा लाइफको सेयर मूल्य प्रतिकित्ता १३ रुपैयाँले वृद्धि भएको हो । उक्त दिन कम्पनीको सेयर मूल्य ५४८ रुपैयाँ कायम भएको छ ।
नेपाल स्टक एक्सचेञ्ज (नेप्से)का अनुसार आज कम्पनीको ७५ लाख ७३ हजार रुपैयाँ बराबरको १४ हजार १५९ कित्ता सेयर किनबेच भएको छ ।
यस्तै, यूनियन लाइफको सेयर मूल्य प्रतिकित्ता १३ रुपैयाँले वृद्धि भएको हो । योसंगै कम्पनीको सेयर मूल्य ५७२ रुपैयाँ कायम भएको छ ।
आज कम्पनीको ६९ लाख ७१ हजार रुपैयाँ बराबरको सेयर कारोबार भएको छ । नेप्सेका अनुसार कम्पनीको आज १२ हजार ४०३ कित्ता सेयर खदिबिक्री भएको हो ।
वि.सं.२०७८ असोज १३ बुधवार १६:१९ मा प्रकाशित