काठमाडौं । नेपाल एसबिआई बैंकले शाखा कार्यालय संचालनका लागि घर तथा भवन भाडामा खोजेको छ ।
एक सूचना निकाल्दै बैंकले भरतपुर महानगरपालिकामा शाखा कार्यालय स्थापनाका लागि घर तथा भवन खाजेको हो ।
उक्त स्थानमा लामो अवधिका लागि भाडामा दिन चाहाने इच्छुक घरधनीले आजैका मितिले १५ दिन भित्र शिलबन्दी पेश गर्न सक्नेछन् ।
प्रस्तावित भवनहरुमा पानी, ढल, थ्रीफेज विद्युत तथा पर्याप्त पार्किङको सुविधासहित न्युनतम ६ मिटर चौडाईको मोटर बाटोसंग जोडिएको हुनुपर्ने बैंकले जनाएको छ।
भवन सडक विस्तार योजना नपरेको, भुकम्प प्रतिरोधात्मक पिलर सिस्टमबाट बनेको पक्की र बैंक संचालनका लागि उपयुक्त हुुनपर्नेछ ।
प्रस्तावित भवन शाखा कार्यालय संचालानार्थ घटीमा १० वर्षको लागि बहालमा उलपब्ध गराउनुपर्ने लगायतका सर्तहरु रहेका छन् ।
शिलबन्दी प्रस्तावमा भवन निर्मित जग्गाको जग्गाधनी प्रमाणपत्र पुर्जाको प्रतिलिपि, भवन रहेको स्थानको पूर्ण विवरण, स्वीकृत नक्सा, निर्माण सम्पन्न भएको प्रमाणपत्र र फोटो, मासिक भाडा रकम(करसहित) बैंकलाई हस्तान्तरण गर्ने मिति लगायत विवरणहरु खुलाउनुपर्नेछ ।
वि.सं.२०७८ असोज १४ बिहीवार १२:४५ मा प्रकाशित
