काठमाडौं । २० प्रतिशत लाभांश घोषणा गरेको सिभिल लघुवित्त वित्तीय संस्थाको सेयर मूल्य वृद्धि भएको छ ।
कम्पनीको सेयर मूल्य ५.२९ प्रतिशत वृद्धि भएको हो । साताको कारोबार दिन अर्थात आज कम्पनीको सेयर मूल्य प्रतिकित्ता ६५ रुपैयाँले वृद्धि भएको हो । योसंगै आज कम्पनीको सेयर मूल्य १ हजार २९४ रुपैयाँ कायम भएको छ ।
कम्पनीले आर्थिक वर्ष २०७७/७८ को मनुफाबाट १९ प्रतिशत बोनस र कर प्रयोजनका लागि १ प्रतिशत नगद लाभांश वितरण गर्ने प्रस्ताव गरेको छ ।
नेपाल स्टक एक्सचेञ्ज(नेप्से)का अनुसार आज कम्पनीको ३ करोड २० लाख ८६ हजार रुपैयाँ बराबरको २४ हजार ४४ कित्ता सेयर खरिदबिक्री भएको हो ।
वि.सं.२०७८ असोज १४ बिहीवार १५:४१ मा प्रकाशित
