काठमाडौं । सनराइज बैंकले सनराइज तलब कर्जा(पेरोला लोन) योजना सार्वजनिक गरेको छ ।
बैंकले विभिन्न संघ/संस्था तथा कार्यालयमा कार्यरत कर्मचारीलाई लक्षित गरी उक्त योजना ल्याएको हो ।
उक्त योजनाअन्तर्गत सनराइज बैंकमा सनराइज पेरोल सेभिङ्स खाता भएका कुनै पनि ग्राहकले बिना धितो १५ लाख रुपैयाँसम्मको कर्जा लिन सकिने बैंकले जनाएको छ ।
उक्त योजना अनुसार ग्राहकहरुले अधिकतम २४ महिनाको तलब अथवा ५ लाख रुपैयाँसम्मको ओभरड्राफ्ट र १० लाख रुपैयाँसम्मको टर्म लोन गरी अधिकतम १५ लाख रुपैयाँसम्मको कर्जा लिन सक्नेछन् ।
बैंकका अनुसार कर्जा लिन ग्राहक कुनै पनि संस्थाको कर्मचारी हुनुपर्ने र कर्जा ५ वर्षसम्मको लागि प्रदान गरिने छ ।
त्यस्तै बैंकले आफ्नो १४ औं वार्षिकोत्सव र दसैँको अवसर पारेर मुद्दती खातामा सर्वाधिक १०.०७ प्रतिशतसम्मको ब्याज दिनेसमेत व्यवस्था गरेको छ ।
बैंकले हाल १३९ वटा शाखा, १२ वटा एक्सटेन्सन काउण्टर, १६० वटा एटीएम र ९१ वटा शाखारहित बैंकिङ्ग सेवामार्फत सेवा प्रदान गर्दै आएको छ ।
वि.सं.२०७८ असोज १५ शुक्रवार १४:५१ मा प्रकाशित
