काठमाडौं । साताको पहिलो कारोबार दिन सुनको मूल्य वृद्धि भएको छ । नेपाली बजारमा छापावाला सुनको मूल्य प्रतितोला २ सय रुपैयाँले वृद्धि भएको हो ।
अघिल्लो कारोबार दिन ८९ हजार ६ सय रुपैयाँमा कारोबार भएको सुन आज बढेर ८९ हजार ८ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
आइतबारका लागि तेजावी सुनको मूल्य भने ८९ हजार ३५० रुपैयाँ निर्धारण भएको छ । महासंघका अनुसार शुक्रबार ८९ हजार १५० रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज प्रतितोला २० रुपैयाँले बढेर १ हजार १६० रुपैयाँ पुगेको छ । अघिल्लो दिन १ हजार १४० रुपैयाँमा कारोबार भएको महासंघले जनाएको छ ।
वि.सं.२०७८ असोज १७ आइतवार ११:२७ मा प्रकाशित
