काठमाडौं । सोमबार विभिन्न ५ कम्पनीको सेयर मूल्यमा उछाल आएको छ । उक्त दिन सेयर मूल्य उच्च दरमा वृद्धि हुने अधिकांश फाइनान्स कम्पनी रहेका छन् ।
आज आशा लघुवित्त वित्तीय संस्था, मैलुङ खोला जलविद्युत कम्पनी, सर्पोट माइक्रोफाइनान्स, मिथिल लघुवित्त र महिला लघुवित्त वित्तीय संस्थाको सेयर मूल्य उच्च दरमा वृद्धि भएको हो ।
उक्त दिन आशा लघुवित्तको सेयर मूल्यमा सकरात्मक सर्किट लागेको छ । कम्पनीको सेयर मूल्य १० प्रतिशत अर्थात प्रतिकित्ता १५४.५० रुपैयाँले वृद्धि भएको हो । योसंगै आज कम्पनीको सेयर मूल्य १ हजार ६९९.५० रुपैयाँ कायम भएको छ ।
यस्तै, मैलुङ खोला जलविद्युतको सेयर मूल्य ९.९९ प्रतिशत अर्थात प्रतिकित्ता ३२.५० रुपैयाँले वृद्धि भई ३५७ रुपैयाँ कायम भएको छ ।
आज सर्पोट लघुवित्तको सेयर मूल्य ९.९७ प्रतिशत, मिथिला लघुवित्तको ९.८३ प्रतिशत र महिला लघुवित्तको ९.०८ प्रतिशत वृद्धि भएको हो ।
यी कम्पनीहरुसहित आज सबैको लघुवित्त, साधाना लघुवित्त, उन्नती सहकार्य लघुवित्त, स्वाभिमान लघुवित्त, सामूदायिक लघुवित्त, इन्फिनिटी लघुवित्त र छिमेक लघुवित्तका लगानीकर्ताहरुले उच्च दरमा कमाएका छन् ।
वि.सं.२०७८ असोज १८ सोमवार १५:५१ मा प्रकाशित
