काठमाडौं । विशेष आर्थिक क्षेत्र प्राधिकरण (सेज) र नेपाल इन्फ्रास्ट्रक्चर बैंक (निफ्रा) बीच समझदारी पत्रमा हस्ताक्षर भएको छ । सेजका कार्यकारी निर्देशक बलराम रिज्याल र निफ्राको तर्फबाट प्रमुख कार्यकारी अधिकृत रामकृष्ण खतिवडाले हस्ताक्षर गर्नुभएको छ ।
निजी क्षेत्रको सहभागिता वा सार्वजनिक निजी साझेदारी मार्फत औद्योगिक पूर्वाधारमा लगानी, त्यसको विकास, निर्माण तथा संचालनका लागि आवश्यक सहकार्य गर्दै औद्योगिक विकास प्रवर्द्धनका लागि विशेष आर्थिक क्षेत्र प्राधिकरण (सेज) र नेपाल इन्फ्रास्ट्रक्चर बैंक (निफ्रा) बीच समझदारी पत्रमा हस्ताक्षर भएको छ ।
पाँचखाल विशेष आर्थिक क्षेत्र र बारा जिल्लाको सिमरामा अवस्थित विशेष आर्थिक क्षेत्र ब्लक ‘बी’ र ‘सी’ को प्राविधिक र आर्थिक प्राबिधिक विश्लेषण, परियोजनाको बजारीकरण र विकासकर्ता छनौटका लागि आवश्यक सहयोग गर्न भन्दै सम्झौता भएको बताइएको छ ।
साथै बैंकको अगुवाइमा स्वपुंजी तथा ऋण लगानीको व्यवस्थापन र आवश्यक अन्य प्राविधिक सहयोग तथा सहकार्य गरी सार्वजनिक निजी साझेदारीको माध्यमबाट विशेष आर्थिक क्षेत्रहरुको विकास तथा कार्यान्वयन गर्न सम्झौता भएको बताइएको छ ।
वि.सं.२०७८ असोज १८ सोमवार १६:१२ मा प्रकाशित