काठमाडौं । प्रहरी प्रधान कार्यालय केन्द्रीय अनुसन्धान ब्यूरो (सीआईबी)ले संगठित रुपमा सहकारी ठगी गरको आरोपमा संलग्न व्यक्तिलाई पक्राउ गरेको छ ।
सीआईबीले सिभिल सेभिङ एण्ड क्रेडिट सहकारी संस्थाबाट निक्षेपकर्ताले राखेको रकम हिनामिना गरेको आरोपमा १२ जना व्यक्ति पक्राउ गरेको हो ।
ब्यूरोले सभिल सेभिङ एण्ड क्रेडिट सहकारी संस्थाका अध्यक्ष तथा सिभिल बैंकका पूर्व अध्यक्ष इच्छाराज तामाङसहित १२ जनालाई पक्राउ गरेको हो ।
पक्राउ पर्नेमा संचालक समितिको अध्यक्ष केशवलाल श्रेष्ठ, सहजकर्ता प्रबन्धक भगवान सिंह, जुनियर असिसटेन्ट मेनेजर मायोनानी महर्जन, एलिना तुलाधर, जुनियर अधिकृत शंकरप्रसाद पाठक, असिसटेन्ट संगित श्रेष्ठ, लेखा अधिकृत राकेश महर्जनलाई पक्राउ गरेको हो ।
यस्तै, पक्रा पर्नेमा जुनियर सहायक प्रबन्धक बुद्धराज तामाङ, कौस्तुभ केतन ढुंगाना, सिभिल होम्सका बरिष्ठ प्रबन्धक विजय विक्रम शाह र पूर्व लेखा समिति सदस्य हरिहर लामिछानेलाई सीआइबीले पक्राउ गरेको हो ।
सहकारीका १३७ जना जना पिडित बचचकर्ताहरुले बचत तथा मुद्धती खातमा रहेको कुल ७० करोड ८७ लाख १३ हजार ८ सय २१ रुपैयाँ ३२ पैसा रकम संगठित रुपमा सहकारीले ठगी गरेको आरोप छ । आरोपमा संलग्न व्यक्तिहरुलाई पक्राउ गरि कानूनी कारवाही भईरहेको सीआईबीले जनाएको छ ।
साथै अन्य निक्षेपकर्ता तथा सर्वसाधारणहरुले उक्त सहकारीबाट निक्षेप तथा ब्याज रकम नपाएको भए कानून बमोजिम आवश्यक अन्य थप कारवाहीका लागि समेत ब्यूरोमा सम्पर्क गर्न अनुरोध गरेको छ ।
वि.सं.२०७८ असोज १९ मंगलवार १५:२९ मा प्रकाशित