काठमाडौं । निरन्तको गिरावटपछि बुधबार भने सेयर बजारमा हरियाली छाएको छ ।
निकै उतार चढावकाबीच बजारमा दोहोरो अंकको सुधार देखिएको हो । बजार मापन गर्ने सूचक ४१.८४ अंकले बढेर २६१२.६५ बिन्दुमा रोकिएको छ । बजारमा सुधार आएपनि कारोबार रकम भने दिनानुदिन घटिरहेको छ ।
बुधबार पनि २२३ कम्पनीको ५८ लाख ४२ हजार १३५ कित्ता सेयर २ अर्ब ९९ करोड ६८ लाख १९ हजार ६३८ रुपैयाँको सेयर किनबेच भएको छ । कारोबारमा अधिकांश समूहको उपसूचकमा सुधार देखिएको छ ।
कारोबारमा बैंकिङ १८.७४, विकास बैंक १४०.९१, फाइनान्स ८६.९८, जलविद्युत ६०.४४, जीवन बीमा ३०७.६६, माइक्रोफाइनान्स १३६.४०, निर्जीबन बीमा समूहको उपसूचक २६५.६८ अंकले बढेको छ । कारोबारमा अन्य समूहको उपसूचकमा पनि निकै सुधार देखिएको छ ।
वि.सं.२०७८ असोज १९ मंगलवार १५:५१ मा प्रकाशित
