काठमाडौं । हिमालयन रिइन्स्योरेन्स लिमिटेडको प्रथम साधारणसभाका लागि मिति तय गरेको छ ।
कम्पनीको गत भदौ ३० गते बसेको संचालक समितिको बैठकले आउँदो कात्तिक १२ गते सभा गर्ने निर्णय गरेको हो ।
सभामा सर्वसाधारणका लागि साधारण सेयर निष्काशन(आईपीओ) जारी गर्न प्रस्तावमा छलफल हुनेछ ।
संचालक समितिको तर्फबाट अध्यक्षद्वारा आर्थिक वर्ष २०७७/७८ को प्रथम वार्षिक प्रतिवेदन छलफल गरी पारित तथा सोही वर्षको लागि लेखापरीक्षकको नियुक्ति र निजको पारिश्रमिक तोक्नेछ ।
प्रबन्धपत्र तथा नियमावलीमा आवश्यक संशोधन गर्ने र उक्त कार्यका लागि संचालक समितिलाई आवश्यक सम्पूर्ण प्रत्यायोजन गर्ने तथा संशोकित प्रबन्धपत्र/नियमावली अभिलेख वा स्वीकृत गर्ने निकायबाट कुनै फेरवदल गर्न निर्देशन प्राप्त हुन आएमो सो अनुसार गर्न संचालक समितिलाई अख्तियारी दिने छ ।
वि.सं.२०७८ असोज २० बुधवार १०:४१ मा प्रकाशित
