काठमाडौं । नेपाली बजारमा सुनको मूल्यमा भारी गिरावट आएको छ ।
छापावाला सुनको मूल्य प्रतितोला ५ हजार रुपैयाँले घटेको हो । एक वर्षको अवधिमा छापावाला सुनको मूल्य उक्त रकमले घटेको हो ।
गत वर्षको असोज २० गते र यस वर्षको सोही दिनको तुलनामा सुनको मूल्य ५ हजार रुपैयाँले घटेको हो ।
नेपाल सुनचाँदी व्यवसायी महासंघका अनुसार गत वर्षको असोज २० गते प्रतितोला ९४ हजार ९ सय रुपैयाँमा कारोबार भएको सुन यस वर्षको सोही दिनसम्म आईपुग्दा ८९ हजार ९ सय रुपैयाँ कायम भएको छ ।
यस्तै, गत वर्षको असोज २० गते ९४ हजार ४ सय रुपैयाँमा खरिदिबिक्री भएको तेजावी सुनको मूल्य पनि यो वर्षको सोही दिन ८९ हजार ४५० रुपैयाँ निर्धारण भएको महासंघले जनाएको छ ।
त्यसैगरि उक्त अवधिमा चाँदीको मूल्य पनि घटेको छ । गत वर्षको असोज २० गते र यस वर्षको सोही दिनको तुलनामा चाँदीको मूल्य ५० रुपैयाँले घटेको हो ।
गत वर्षको सोही दिन चाँदी प्रतितोला १ हजार २ सय रुपैयाँ कायम भई कारोबार भएको थियो । तर, यस वर्षको असोज २० गते भने घटेर १ हजार १६० रुपैयाँ कायम भएको छ ।
वि.सं.२०७८ असोज २० बुधवार १०:०६ मा प्रकाशित