काठमाडौं । नेपाल राष्ट्र बैंकले २० अर्बको रिपो जारी गर्न लागेको छ ।
पछिल्लो समय बैंक तथा वित्तीय संस्थामा प्रणालीमा लगानीयोग्य रकम (तरलता) अभाव भएपछि राष्ट्र बैंकले दुई साताको लागि २० अर्बको रिपो जारी गरेको जानकारी गराएको छ ।
रिपो वाणिज्य बैंक, राष्ट्रिय स्तरका विकास बैंक र वित्त कम्पनीले कात्तिक ३ गते परिपक्व हुने रिपो बोलकबोल प्रणालीमार्फत खरिद गर्न सक्नेछन् ।
प्रणालीमा तरलता अभाव भएपछि राष्ट्र बैंकले १ खर्ब भन्दा बढी रिपो जारी गरिसकेको छ । तरलता अभाव न्यून गर्नको लागि राष्ट्र बैंकले रिपोलाई अल्पकालिन औजारको रुपमा प्रयोग गर्ने गरेको छ ।
वि.सं.२०७८ असोज २० बुधवार १४:४२ मा प्रकाशित
