काठमाडौं । टाटा मोटर्सले नयाँ एसयूभी टाटा पञ्च भारतमा सार्वजनिक गरेको छ । टाटा पञ्च अक्टोबार २० मा सार्वजनिक हुने भएको हो ।
कम्पनीका अनुसार नयाँ एसयूभी सबैभन्दा राम्रो र सस्तो हुनेछ । यसको क्षमता ११९९ सीसी रहेको छ । यसको अपेक्षित मूल्य ६ लाख भारु रहेको छ ।
यो १.२ एल रिभोर्टन इन्जिन जडित गाडी हो । ५ स्पीड म्यानुअल र ५ स्पीड एमटी ट्रान्समिशन, इको र सिटी ड्राइभ मोड रहेको छ । यो ५ सीट क्षमताको यो गाडीमा ३७ लिटरको फ्यूल ट्याक रहेको छ ।
एसयूभी आकर्षक सुविधासहित ड्राइभर सिट उच्च आरमदायी रहेको छ भने यसलाई आफ्नो अनुकुल समायोजन गर्न सकिने कम्पनीले जनाएको छ ।
यसमा अटोमेटिक क्लाईमेट कन्ट्रोल, पुश स्टार्ट र स्टप बटन रहेको छ । यसका अन्य २५ भन्दा बढी सुविधाहरु रहेका छन् ।
सुरक्षाका लागि यसमा डुअल एयर ब्याग, एबीएस र एबीडी ब्रेक कन्ट्रोल, अटो डेडल्याम्प, रिजर्भ पार्किङ क्यामेरा लगातका सुविधाहरु छन् ।
वि.सं.२०७८ असोज २१ बिहीवार १६:२५ मा प्रकाशित