काठमाडौं । दशैंको मुखैमा सेयर बजारमा दोहोरो अंकको गिरावट आएको छ ।
आइतबारको कारोबारमा बजार १८.५३ अंकले घटेर परिसूचक २६६२.५८ बिन्दुमा रोकिएको छ । दशैं अघिको लागि सोमबार मात्रै सेयर कारोबार हुने छ । मंगलबार फूलपाती हो । त्यसपछि सेयर कारोबार बन्द हुने छ ।
आज किनबेच गरेको सेयरको पैसा तथा सेयर दशैं अघि खातामा नआउने भएपछि बजारमा गिरावट देखिएको केही जानकार लगानीकर्ताको भनाई छ । जसको असर बजारमा देखिएको छ ।
यो दिन २२० कम्पनीको ७२ लाख ५१ हजार ७४४ कित्ता सेयर ४ अर्ब ४९ करोड ८० लाख ४३ हजार ५८० रुपैयाँको सेयर किनबेच भएको छ ।
कारोबारमा अधिकांश समूहको उपसूचकमा गिरावट आएको छ । आइतबार जीवन बीमा ७३.८६, फाइनान्स समूहको उपसूचक ६.७६ अंकले बढेको छ । यस्तै बैंकिङ ६.३३, विकास बैंक ५८.०२, जलविद्युत ३३.०५, माइक्रोफाइनान्स समूहको उपसूचक ४५.९२ अंकले घटेको छ ।
वि.सं.२०७८ असोज २४ आइतवार १५:३७ मा प्रकाशित
