काठमाडौं । जीवन विकास लघुवित्त वित्तीय संस्था र महिला लघुवित्त वित्तीय संस्थाको सेयर मूल्यमा उछाल आएको छ ।
साताको पहिलो कारोबार दिन यी दुई कम्पनीको सेयर मूल्य उच्च दरमा वृद्धि भएको हो ।उक्त दिन जीवन विकास लघुवित्त वित्तीय संस्थाको सेयर मूल्य ९.५० प्रतिशतले वृद्धि भएको हो ।
आज कम्पनीको सेयर मूल्य प्रतिकित्ता ४०७.३० रुपैयाँले वृद्धि भएको हो । योसंगै कम्पनीको सेयर मूल्य ४ हजार ६९५ रुपैयाँ पुगेको छ ।
उक्त दिन कम्पनीको १८ करोड ३८ लाख ८३ हजार रुपैयाँ बराबरको सेयर कारोबार भएको छ । कम्पनीको आज ३९ हाजर ७०६ कित्ता सेयर किनबेच भएको हो ।
यस्तै, आज महिला लघुवित्तको सेयर मूल्य पनि ९.३७ प्रतिशतले वृद्धि भएको छ । उक्त दिन कम्पनीको सेयरमा लगानीकर्ता झुम्मिएका छन् ।
उक्त दिन कम्पनीको सेयर मूल्य प्रतिकित्ता ४४९.८० रुपैयाँले वृृद्धि भएको हो । योसंगै कम्पनीको सेयर मूल्य आज ५ हजार २४९.८० रुपैयाँ पुगेको छ ।
उक्त दिन कम्पनीको १८ करोड ९३ लाख ४९ हजार रुपैयाँ बराबरको सेयर कारोबार भएको छ । नेपाल स्टक एक्सचेञ्ज(नेप्से)का अनुसार कम्पनीको ३५ हजार ९५८ कित्ता सेयर किनबेच भएको हो ।
वि.सं.२०७८ असोज २४ आइतवार १६:२५ मा प्रकाशित