काठमाडौं । बैंक तथा वित्तीय संस्थाका संस्थापक तथा संस्थापक समूहको सेयर खरिद गर्दा खरिदकर्ताले आयस्रोत र त्यसको उपलब्धता सम्बन्धी अद्याबधिक विवरण अनिवार्य रूपमा पेश गर्नु पर्ने भएको छ ।
राष्ट्र बैंकले एकीकृत निर्देशन-२०७७ मा संसोधनर परिमार्जन गर्दै यस्तो व्यवस्था गरेको हो ।
राष्ट्र बैंकले गरेको नयाँ व्यवस्थामा ‘बैंक तथा वित्तीय संस्थाका संस्थापक-संस्थापक समूहको सेयर खरिद गर्दा खरिदकर्ताले तोकिएको ढाँचामा (बैंक-वित्तीय संस्था संस्थापना एवम् वित्तीय कारोबार गर्ने इजाजतपत्र सम्बन्धी नीतिगत एवम् प्रक्रियागत व्यवस्थाः २०६३ को संशोधित अनुसूची ३ को बुँदा नं. १६ को विवरण) लगानी हुने रकमको आयस्रोत र सोको उपलब्धता सम्बन्धी अद्याबधिक विवरण अनिवार्य रूपमा पेश गर्नु पर्नेछ’ भन्ने रहेको छ ।
वि.सं.२०७८ असोज २५ सोमवार १६:२५ मा प्रकाशित
