काठमाडौं । सञ्चालनमा रहेका वाणिज्य बैंक मध्ये ९ वटा बैंकले दसैं अघि नै लाभांश घोषणा गरेका छन् । बाँकी बैंकहरुले लाभांश घोषणा गरेका छैनन् ।
अहिलेसम्म लाभांश घोषणा गरेका मध्ये सबैभन्दा बढी हिमालयन बैंकको रहेको छ । बैंकले २६ प्रतिशत लाभांश घोषणा गरेका छ । जसमा बोसन २१.३८ र नगद ४.६२ प्रतिशतसहित २६ प्रतिशत लाभांश रहेको छ ।
हिमालयन बैंकपछि सानिमा बैंकको रहेको छ । सानिमा बैंकले १७.८९ प्रतिशत लाभांश घोषणा गरेको छ । जसमा १७ प्रतिशत बोनस र ०.८९ नगद लाभांश रहेको छ ।
नेपाल इन्भेष्टमेन्ट बैंक र सिटिजन्स बैंकले १६÷१६ प्रतिशत लाभांश दिने भएका छन् । जसमा इन्भेष्टमेन्टको बोनस ११.२४ र नगद ४.७६ प्रतिशत रहेको छ । यस्तै सिटिजन्स बैंकको बोनस सेयर १२.९१ र नगद ३.०९ प्रतिशत रहेको छ ।
नेपाल बंगलादेशले पनि बोनस १२ र नगद ३.५ सहित १५.५ प्रतिशत लाभांश घोषणा गरेको छ । माछापुच्छे« बैंकले पनि १४ प्रतिशत लाभांश घोषणा गरेको छ । जसमा बोसन १३.३ र नगद ०.७ प्रतिशत रहेको छ । १० प्रतिशत भन्दा कम लाभांश घोषणा गर्नेमा कुमारी बैंक मात्रै रहेको छ ।
कुमारी बैंकले ८.६७ प्रतिशत लाभांश घोषणा गरेको छ । जसमा बोनस ६ र नगद २.६७ प्रतिशत रहेको छ । बैंकहरुले घोषणा गरेको लाभांश नेपाल राष्ट्र बैंकले स्वीकृत गरेर बैंकको आगामी साधारणसभाले पारित गरेपछि लगानीकर्ताले पाउनेछन् ।
वि.सं.२०७८ असोज २७ बुधवार १५:०२ मा प्रकाशित
