काठमाडौं । वाणिज्य बैंकहरुले मनलाग्दी रुपमा ब्याजदर बढाएपछि राष्ट्र बैंकको निर्देशनसँगै सेयर बजारमा दोहोरो अंकको सुधार आएको छ ।
बैंकहरुले मनलाग्दी ब्याजदर निर्धारण गरेपछि राष्ट्र बैंकले तीन बुँदे निर्देशन जारी गरेर १० प्रतिशत भन्दा बढी ब्याज नबढाउनु र बढेको ब्याज तत्काल हटाउन निर्देशन दिएसँगै सेयर बजारको सुधार देखिएको छ । बजारमा दोहोरो अकको सुधार आएपनि कारोबार रकम हेर्दा भने उत्साहित भइहाल्ने अवस्था नभएको लगानीकर्ताको भनाई छ ।
बुधबारको कारोबारमा बजार ६०.५६ अंकले बढेर परिसूचक २५७१.६६ बिन्दुमा रोकिएको छ । यो दिनको कारोबारमा ठूला कम्पनीको कारोबार मापन गर्ने सेन्सेटिभ इन्डेक्स १२.०९ अंकले बढेर ४८४.०५ बिन्दुमा रहेको छ ।
२१७ कम्पनीको ६१ लाख १ हजार ४१४ कित्ता सेयर २ अर्ब ६७ करोड ९० लाख २८ हजार १५५ रुपैयाँको सेयर किनबेच भएको छ । कारोबारमा सबै समूहको उपसूचकमा सुधार देखिएको छ ।
बैंकिङ समूहको ३२.६२, विकास बैंक १४१.४६, जलविद्युत १०८.६८, फाइनान्स १२१.४९, निर्जीबन बीमा २४८.१, माइक्रोफाइनान्स ९९.०१, जीवन बीमा समूहको उपसुचक १८९.६९ अंकले बढेको छ ।
वि.सं.२०७८ कात्तिक ३ बुधवार १५:२३ मा प्रकाशित