काठमाडौं । साताको अन्तिम दिन बिहीबार सेयर बजारमा दोहोरो अंकको गिरावट आएको छ ।
यो दिनको कारोबारमा नेप्से मापन गर्ने सूचकसँगै कारोबार रकममा समेत उल्लेख्य सुधार आउन सकेको छैन । बजार र कारोबार रकम घट्दा लगानीकर्ताको निरासा छाएको छ ।
बजार मापन गर्ने सूचक १४.७० अंकले घटेर परिसूचक २५५६.९५ बिन्दुमा रोकिएको छ ।
२१६ कम्पनीको ६१ लाख ६ हजार ४५२ कित्ता सेयर २ अर्ब ६३ करोड ५३ लाख ९० हजार ४६० रुपैयाँको सेयर किनबेच भएको छ । कारोबारमा अधिकांश समूहको उपसूचकमा गिरावट आएको छ ।
बैंकिङ ७.०५, विकास बैंक ९४.४४, जलविद्युत ४६.०५, फाइनान्स ४६.३९, निर्जीबन बीमा २३.४६, उत्पादन तथा प्रशोधन १०५.४२, माइक्रोफाइनान्स १४.८४, जीवन बीमा समूहको उपसूचक १०५.२५ अंकले घटेको छ ।
कारोबारमा सानिमा बैंकको सबैभन्दा बढीको कारोबार भएको छ । बैंकको २७ करोड १२ लाख ९७ हजार ६०९ रुपैयाँको सेयर किनबेच भएको छ । दोस्रो र तेस्रो स्थानमा माछापुच्छ«े बैंक र नबिल बैंक रहेको छ ।
वि.सं.२०७८ कात्तिक ४ बिहीवार १५:२३ मा प्रकाशित