काठमाडौं । साताको दोस्रो कारोबार दिन सेयर बजारमा उछाल आएको छ । उक्त दिन बजार ८७.६३ अंकले बढेको छ ।
बजार परिसुचक पनि २६७२.२५ अंकको बिन्दुमा पुगेर बन्द भएको छ । अघिल्लो दिन तुलनामा कारोबार रकम पनि वृद्धि भएको छ ।
सोमबार ४ अर्ब ३० करोड ८८ लाख ९५ हजार रुपैयाँ बराबरको सेयर कारोबार भएको छ । उक्त दिन बैंकिङ समूह ३७.४० अंक, विकास बैंक ३०१.५० अंक, व्यापार १५.८८, होटल तथा पर्यटन ८१.८८, जलविद्युत २००.८२ अंकले वृद्धि भएको छ ।
बजारमा हरियाली देखिएको उक्त दिन फाइनान्स समूह १७६.४९ अंक, माइक्रोफाइनान्स १२१.१३ अंक, निर्जीवन बीमा ४६७.६, जीवन बीमा ५३७.०१, उत्पादक तथा प्रशोधन १४३.३७, म्युचुअल फण्ड०.१७ र लगानी समूह३.६७ अंकले वृद्धि भएको छ ।
उक्त दिन तीन बैंकसहित ५ कम्पनीको सर्वाधिक कारोबार भएको छ । सोमबार सबैभन्दा बढी महालक्ष्मी विकास बैंकको १६ करोड २५ लाख २३ हजार रुपैयाँ बराबरको कारोबार भएको छ ।
कारोबारकै आधारमा दोस्रो स्थानमा रहेको अपि पावरको १३ करोड ४५ लाख ५५ हजार रुपैयाँ बराबरको सेयर खरिदबिक्री भएको छ ।
यस्तै, सिद्धार्थ बैंकको १३ करोड १३ लाख ४३ हजार, नेशनल हाइड्रोपावरको १२ करोड २६ लाख ८ हजार र नबिल बैंकको ११ करोड ६५ लाख २५ हजार रुपैयाँ बराबरको सेयर कारोबार भएको छ ।
वि.सं.२०७८ कात्तिक ८ सोमवार १५:४७ मा प्रकाशित