काठमाडौं । अब मासिक २९ हजार रुपैयाँ किस्तामा स्कोडा कुशाक गाडी किन्न सकिने भएको छ ।
युरोपेली कार ब्रान्ड स्कोडाको नेपालीका लागि आधिकारिक बिक्रेता एमएडब्लु इन्टरप्राइजेजले यस्तो सुविधा ल्याएको हो ।
कम्पनीले ५० प्रतिशत डाउनमेन्ट गरि ९ प्रतिशत ब्याजदरमा गाडी किन्न सकिने अफर ल्याएको छ । कम्पनीले स्कोडा कुशाक गाडी अब मासिक किस्ता पाइने व्यवस्थासहितको विशेष अफर ल्याएको हो ।
उक्त गाडी अब मासिक २९ हजार किस्तामा खरिद गर्न सकिनेछ । यसको ऋण अवधि भने ७ वर्षको हुने छ । कम्पनीका अनुसार उक्त योजनामा पहिलो एक वर्ष ब्याजदरमा कुनै परिवर्तन हुनेछैन ।
यसका साथै हरेक स्कोडाको खरिदमा निःशुल्क बिमा, निःशुल्क एसेसोरिज, १ वर्षको निशुल्क सडक कर र अन्य आकर्षक उपहार पाउन सकिने छ ।
कस्तो हो स्कोडा कुशाक गाडी ?
यो १.० लिटर टीएसआई पेट्रोल इन्जिद्वारा संचालित रहेको छ । ५० लिटर फ्यूल ट्याक क्षमता र अटोकेटिक ट्रान्समिशन र ६ स्पीड म्यानुअल रहेको छ ।
कम्पनीका अनुसार यो ४२२५ एमएम लामो, १७६० एमएम चौडा र १६१२ एमएम अग्लो रहेको छ । यसका साथै ह्विलबेस २६५१ एमएम र ग्राउन्ड क्लेरेन्स १८८ एमएम रहेको छ ।
यो गाडीको बुट क्षमता ३८५ लिटर छ रहेको छ । यसको सिट क्षमता ५ रहेको छ ।
कति पर्छ मूल्य ?
स्कोडा कुशाकको मूल्य नेपाली बजारमा मूल्य ४९ लाख ९० हजारदेखि ६५ लाखसम्म निर्धारण गरिएको छ ।
जसमध्ये एक्टीभ एमटीको मूल्य ४९ लाख ९० हजार, एम्बीशन एमटीको ५३ लाख ९० हजार, एम्बीशन एटी ५८ लाख ९० हजार, स्टाईल एमटी ६० लाख ९० हजार र स्टाईल एटीको ६५ लाख ९० हजार रुपैयाँ रहेको छ ।
यो गाडी नेपाली बजारमा विभिन्न ५ रंगमा उपलब्ध छ । यो गाडी रातो, कालो, सेतो, चाँदी र सुन्तला रंगमा उपलब्ध रहेको छ ।
वि.सं.२०७८ कात्तिक ९ मंगलवार १५:०१ मा प्रकाशित
