काठमाडौं । नेरुडे लघुवित्त वित्तीय संस्थाले १ लाख १३ हजार ५ सय कित्ता सेयर बिक्री गर्ने भएको छ ।
कम्पनीले प्राइम कमर्सियल बैंकको स्वामित्वमा रहेको उक्त सेयर कात्तिक २३ गतेदेखि बिक्री गर्ने भएको हो ।
उक्त सेयरको न्युनतम मूल्य प्रतिकित्ता ४ सय रुपैयाँ तोकिएको छ । उक्त सेयर खरिद गर्न चाहाने सर्वसाधारण व्यक्ति, संघ/संस्थाहरुले मंसिर १ गते बैंकिङ समयभित्र आवेदन दिन सक्नेछन् ।
उक्त सेयर खरिदका लागि न्युनतम १ हजार कित्ता र अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ ।
आवेदन दिदाँ तोकिएको न्युनतम मूल्य वा सो भन्दा बढी अंकित गरि दिनुपर्नेछ । कम्पनीको बिक्री प्रबन्धकमा सानिमा क्यापिटल लिमिटेड रहेको छ ।
वि.सं.२०७८ कात्तिक ११ बिहीवार १२:४३ मा प्रकाशित