काठमाडौं । साताको अन्तिम कारोबार दिन सुनको मूल्यमा गिरावट आएको छ । उक्त दिन छापावाला सुनको मूल्य प्रतितोला ४ सय रुपैयाँले घटेको हो ।
अघिल्लो दिन ९२ हजार ४ सय रुपैयाँमा कारोबार भएको सुन आज घटेर ९२ हजार रुपैयाँ कायम भएको हो ।
नेपाल सुनचाँदी व्यवसायी महासंघका अनुसार आज तेजावी सुनको मूल्य भने ९१ हजार ५ सय रुपैयाँ तोकिएको छ । अघिल्लो दिन तेजावी सुन प्रतितोला ९१ हजार ९ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि घटेको छ । आज प्रतितोला ५ रुपैयाँले घटेर चाँदी १ हजार २४५ रुपैयाँ कायम भएको छ । अघिल्लो कारोबार दिन चाँदी १ हाजर २५० रुपैयाँमा खरिदबिक्री भएको थियो ।
वि.सं.२०७८ कात्तिक १२ शुक्रवार १०:४७ मा प्रकाशित
