back
Mega Long Ad

कोरोना महामारीले बन्द भद्रपुर नाका डेढ वर्षपछि खुल्यो

झापा । सरकारले सबै नाका खोल्ने निणर्य गरेको एक महिनापछि मात्र झापाका दुई ठूला नाका सहज भएका छन् । पूर्वीनाका काकँडभिट्टा र भद्रपुर नाकामा केही सहज भएको हो । पूर्वीनाका काँकडभिट्टामा विगतदेखि नै मान्छेको आवतजावत हुँदै आएको भए पनि नाका सहज थिएन । सरकारले गत असोज पहिलो साता देशभरका नाका साविककै अवस्थामा ल्याउने निणर्य गरेको थियो । विगतमा पूर्वीनाका काँकडभिट्टामा आवश्यक प्रक्रिया पूरा गरेपछि भारतीय निजी सवारी सहजै नेपाल आउन पाउँथे । तर, कोरोना महामारीले नाका बन्द भएपछि सवारी प्रवेशमा रोक लगाइएको थियो ।

असोज पहिलो साता सरकारले नाका खोल्ने निणर्य गरे पनि भारतको पश्चिमबंगाल सरकार भारतीय सवारीलाई नेपाल प्रवेशमा रोक लगाएको थियो । करिब डेढ वर्षपछि पूर्वीनाका काँकडभिट्टाबाट भारतीय सवारी साधन नेपालमा आवश्यक प्रक्रिया पूरा गरेर सहजै आउन थालेको झापाका प्रमुख जिल्ला अधिकारी श्रवणकुमार तिमिल्सिनाले जानकारी दिए ।

‘विगतमा स्वास्थ्य मापदण्ड पूरा गरेर पूर्वीनाकाबाट मानिस आउने भए पनि भारतीय सवारी आवश्यक प्रक्रिया पूरा गरे पनि आउन पाएका थिएनन्,’ उनले भने, ‘अब स्वास्थ्य मापदण्ड अपनाएर र सबै प्रक्रिया पूरा गरेपछि भारतीय सवारी नेपाल आउन थालेका छन् ।’

नाका सहज भएसँगै चैत २०७६ बाट कोरोना महामारीले थलिएका काँकडभिट्टाका होटेल तथा पर्यटन व्यवसायी उत्साहित भएका छन् । नाकाबाट भारतीय निजी सवारी नेपाल प्रवेशमा रोक लगाइँदा नेपाल भ्रमण गर्न आउने पर्यटकको संख्या शून्य थियो । ‘बल्लबल्ल नाकाबाट भारतीय सवारी आउन थाल्यो । अबचाहिँ पर्यटकको आगमन हुने अपेक्षा गरेका छौँ’, ट्राभल संघ झापाका अध्यक्ष नेत्र कार्कीले भने, ‘थलिएको काँकडभिट्टाको पर्यटन र होटेल व्यवसाय उठ्ने आस गरेका छौँ ।’

पूर्वीनाका काँकडभिट्टाबाट भारतीय नागरिक मात्र हैन, बंगलादेश, भुटानसँगै अन्य तेस्रो देशका नागरिकसमेत आउने गरेका छन् । ‘अन्य देशका नागरिक पनि पूर्वीनाकाबाट आउन पाउँछन् । त्यसका लागि स्वास्थ्य मापदण्ड पूरा गर्नुपर्छ,’ प्रजिअ तिमिल्सिनाले भने, ‘भारतबाहेक अन्य देशका नागरिकका लागि भने होटेल क्वारेन्टाइनका लागि होटेल बुक भएको प्रमाण अनिवार्य चाहिन्छ ।’

यस्तै, डेढ वर्षपछि बिहार राज्यस्थित गलगलिया नाकासँग जोडिएको भद्रपुर नाका पनि खुलेको छ । कोरोना महामारी सुरु भएसँगै सरकारले दशभरको नाका शील गरेदेखि भद्रपुर नाका पनि बन्द भएको थियो । यहाँबाट मानिसको आवतजावत बन्द भएको थियो । भद्रपुरबासीले नाका खुलाउन पटकपटक आग्रह गर्दै आएका थिए ।

‘भद्रपुरवासीले बारम्बार आग्रह गरेको हो । तर, अहिलेसम्म नाका खुल्न सकेको थिएन । नाका बल्ल खुल्यो,’ झापा उद्योग उद्योग वाणिज्य संघका अध्यक्ष नवरावज पनेरुले भने, ‘देशभरका सबै नाका खुले पनि भद्रपुर नाका नखुल्दा हामीले दोस्रो दर्जाको नागरिक जस्तै महसुस गर्नुपरेको थियो ।’

भद्रपुर नाकाबाट आवतजावत गर्दा सबै स्वास्थ्य मापदण्ड पूरा गर्नुपर्ने झापाका प्रमुख जिल्ला अधिकारी तिमिल्सिनाले बताए । काँकडभिट्टा र भद्रपुर नाकाबाट स्वास्थ्य मापदण्ड पूरा गरेर आवतजावत सुरु भए पनि अन्य साना नाकाबाट आवतजावत खुला नरहेको उनले बताए । झापामा भारतसँग १४४ दशमलव दुई किलोमिटर खुला सीमा छ । प्रजिअ तिमिल्सिनाले दुई नाकाबाहेक अन्य नाकाबाट मानिसको आवतजावत नभएको बताए पनि स्वास्थ्य मापदण्ड पनि पूरा नगरी आवतजावत भइरहेको छ ।

वि.सं.२०७८ कात्तिक १२ शुक्रवार १५:२० मा प्रकाशित

You can share this post!

“बैंक अफ दि इयर” पनि एनएमबि नै, यो पुरस्कार जित्नुको आधार के हो ?

“बैंक अफ दि इयर” पनि एनएमबि नै, यो पुरस्कार जित्नुको आधार के हो ?

वि.सं.२०७८ मंसिर १५ बुधवार २२:०३

काठमाडौं । नेपाल राष्ट्र बैंकबाट “क” वर्गको इजाजत प्राप्त नेपालकै...

बैंकक्रप्ट हुने सम्भावना छः पवनकुमार गोल्यान

बैंकक्रप्ट हुने सम्भावना छः पवनकुमार गोल्यान

वि.सं.२०७८ मंसिर १५ बुधवार १७:४५

बैैंक तथा वित्तिय संस्था परिसंघका अध्यक्ष पवनकुमार गोल्यानले ‘बैंकक्रप्ट’ हुन...

एनएमबी बन्यो एसियाकै सर्वोत्कृष्ट बैंक

एनएमबी बन्यो एसियाकै सर्वोत्कृष्ट बैंक

वि.सं.२०७८ मंसिर १५ बुधवार १६:५०

एनएमबी बैंक एसियाकै सर्वोत्कृष्ट बैंक बनेको छ । बुधबार बैंकले...

बैध रूपमा अबैध काम भइरहेको छः अर्थमन्त्री शर्मा

बैध रूपमा अबैध काम भइरहेको छः अर्थमन्त्री शर्मा

वि.सं.२०७८ मंसिर १५ बुधवार १५:५८

काठमाडौ । अर्थमन्त्री जनार्दन शर्माले बैध रूपमा अबैध काम भइरहेको...

आगामी १० बर्षमा मध्यमस्तरको राष्ट्रमा परिणत हुन केन्द्रित हुनुपर्छ : प्रधानमन्त्री देउवा

आगामी १० बर्षमा मध्यमस्तरको राष्ट्रमा परिणत हुन केन्द्रित हुनुपर्छ : प्रधानमन्त्री देउवा

वि.सं.२०७८ मंसिर १५ बुधवार १५:२२

काठमाडौ । प्रधानमन्त्री शेरबहादुर देउवाले अर्थतन्त्रको गुणात्मक वृद्धिका सरोकारवाला सवै...

सेयर बजारमा सुधार: कारोबार रकम भने खुम्चियो, दुई कम्पनीमा झुम्मिए लगानीकर्ता

सेयर बजारमा सुधार: कारोबार रकम भने खुम्चियो, दुई कम्पनीमा झुम्मिए लगानीकर्ता

वि.सं.२०७८ मंसिर १५ बुधवार १५:१४

काठमाडौं । बुधवार सेयर बजारमा सुधार आएको छ । साताको...