काठमाडौं । साताको पहिलो कारोबार दिन सेयर बजारमा उछाल आएको छ । उक्त दिन बजार दोहोरो अंकले वृद्धि भएको हो ।
बजार ५५.५० अंकले बढेको छ भने परिसुचक २८३७.६२ अंकको बिन्दुमा पुगेर बन्द भएको छ । आज ७ अर्ब ८२ करोड ३२ लाख २६ हजार रुपैयाँ बराबरको सेयर कारोबार भएको छ ।
उक्त दिन बैंकिङ्ग समूह २.९६ अंकले घटेको छ भने अन्य बाँकी सबै सब इन्डेक्सकमा हरियाली देखिएको छ ।
उक्त दिन आँखुखोला जलविद्युत कम्पनीको सर्वाधिक कारोबार भएको छ । उक्त दिन कम्पनीको ३१ करोड ५७ लाख १५ हजार रुपैयाँ बराबरको सेयर कारोबार भएको छ ।
कारोबारकै आधारमा दोस्रो स्थानमा रहेको नबिल बैंकको २८ करोड ३ लाख १७ हजार रुपैयाँ बराबरको सेयर किनबेच भएको छ ।
यस्तै, आज एभरेष्ट बैंकको पनि सर्वाधिक सेयर कारोबार भएको छ । उक्त दिन बैंकको २७ करोड ७९ लाख २६ हजार रुपैयाँ बराबरको कारोबार भएको हो ।
वि.सं.२०७८ कात्तिक १४ आइतवार १५:१६ मा प्रकाशित