काठमाडौं । गुडवील फाइनान्सले चालु आर्थिक वर्ष २०७८७९ को पहिलो त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको वित्तीय विवरण अनुसार चालु आवको असोज मसान्तसम्म ७ करोड ११ लाख ८८ हजार रुपैयाँ नाफा कमाएको छ ।
कम्पनीको यो नाफा गत वर्षको सोही अवधिको तुलनामा १४४.१३ प्रतिशतले बढी हो । गत वर्षको असोज मसान्तसम्म कम्पनीले ३ करोड ९१ लाख ५९ हाजर रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी १४ करोड ३० लाख ९३ हजार रुपैयाँ रहेको छ । यो आम्दानी गत वर्षको असोज मसान्तसम्मको तुलनामा भने १३०.२४ प्रतिशतले बढी हो ।
गत वर्षको सोही अवधिमा कम्पनीले ६ करोड २१ लाख ४८ हजार रुपैयाँ खुद ब्याज आम्दानी गरेको थियो ।
कम्पनीले असोज मसान्तसम्म १५ करोड ५१ लाख ८२ हजार रुपैयाँ खुद संचालन मुनाफा गरेको छ । कम्पनीको वितरणयोग्य नाफा भने १ करोड ७२ लाख ३५ हजार रुपैयाँ ऋणात्मक देखिएको छ ।
कम्पनीको चुक्ता पुँजी ८६ करोड ७२ लाख रुपैयाँ रहेको छ ।कम्पनीले जगेडा तथा कोषमा १ अर्ब ५ करोड १५ लाख ५३ हजार रुपैयाँ राखेको छ ।
कम्पनीको खराब कर्जा पनि वृद्धि भएको छ । असोज मसान्तसम्म कम्पनीको खराब कर्जा ३.४० प्रतिशत पुगेको छ । गत वर्षको सोही अवधिमा भने २.०१ प्रतिशत रहेको छ ।
वि.सं.२०७८ कात्तिक १६ मंगलवार ०८:४९ मा प्रकाशित
