काठमाडौं । आज अर्थात सोमबार दुई कम्पनीको लाभांश सुरक्षित गर्ने अन्तिम मौका रहेको छ ।
उक्त दिन गुराँस लाइफ र एनआईसी एशिया लघुवित्त वित्तीय संस्थाको लांभांश सुरक्षित गर्ने अन्तिम दिन रहेको छ ।
यी दुवै कम्पनीले साधारणसभा तथा लाभांश वितरण प्रयोजनाका लागि भोलि मंगलबार बुक क्लोज गर्न लागेका लागि आजसम्म लाभांश सुरक्षित गर्नुपर्नेछ ।
गुराँस लाइफले आउँदो मंसिर १० गते र एनआईसी एशिया लघुवित्तले मंसिर ५ गते साधारणसभा डाकेका छन् ।
गुराँस लाइफको सभाले आर्थिक वर्ष २०७५/७६ को मुनाफाबाट हाल कायम चुक्ता पूँजीको ५.५० प्रतिशत बोनस सेयर र कर प्रयोजनार्थ ०.२९ प्रतिशत नगद लाभांश वितरण गर्ने विशेष प्रस्ताव पारित गर्नेछ ।
यस्तै, एनआईसी एशिया लघुवित्तको सभाले गत आर्थिक वर्षको मुनाफाबाट प्रस्तावित ५.४१ प्रतिशत अर्थात ९ करोड ४१ लख ३ हजार ७०४ रुपैयाँ नगद लाभांश वितरण गर्ने प्रस्ताव पारित गर्नेछ ।
वि.सं.२०७८ कात्तिक २२ सोमवार ०८:४२ मा प्रकाशित