काठमाडौं । राष्ट्र बैंकले ९१ दिन र १८२ दिनको लागि ६ अर्ब १० करोड रुपैयाँको ट्रेजरी बिल जारी गर्ने भएको छ ।
भोलि अर्थात मंगलबार जारी हुने उक्त ट्रेजरी बिलका लागि आज दिउँसो २ बजे बोलकबोल हुनेछ ।
एक सूचना निकाल्दै बैंकले ९१ दिनको लागि १० करोडको ट्रेजरी जारी गर्न लागेको जानकारी दिएको छ । उक्त ट्रेजरी माघ २५ गते परिपक्व हुने सूचनामा उल्लेख छ ।
त्यस्तै, १८२ दिनको लागि ६ अर्ब रुपैयाँ बराबरको ट्रेजरी बिल जारी गर्न लागेको हो । यो ट्रेजरी २०७९ बैशाख २७ गते परिपक्व हुनेछ ।
वि.सं.२०७८ कात्तिक २२ सोमवार ०९:५४ मा प्रकाशित