काठमाडौं । साताको पहिलो कारोबार दिन सुनको मूल्य वृद्धि भएको छ । नेपाली बजारमा छापावाला सुनको मूल्य सोमबार ह्वात्तै बढेको हो ।
अघिल्लो कारोबार दिन अर्थात कात्तिक १८ गते ९१ हजार रुपैयाँमा कारोबार भएको सुन आज प्रतितोला १ हजार ५ सय रुपैयाँले वृद्धि भएको हो ।
योसंगै आज छापावाला सुन ९२ हजार ५ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।
महासंघका अनुसार आजका लागि तेजावी सुनको मूल्य भने ९२ हजार रुपैयाँ कायम भएको छ ।
यस्तै, उक्त दिन चाँदीको मूल्य पनि ह्वात्तै बढेको छ । आज प्रतितोला २५ रुपैयाँले बढेको चाँदी १ हजार २५० रुपैयाँ कायम भएको छ ।
अघिल्लो दिन अर्थात कात्तिक १८ गते १ हजार २२५ रुपैयाँ खरिदबिक्री भएको थियो ।
वि.सं.२०७८ कात्तिक २२ सोमवार ११:०२ मा प्रकाशित