काठमाडौं । चालु आर्थिक वर्षको तीन महिनाको अवधिमा करिब २८ करोड रुपैयाँ बराबरको सुनका गहना निर्यात भएको छ ।
भन्सार विभागले विभागले सार्वजनिक गरेको चालु आवको असोज मसान्तसम्मको तथ्याङ्कले यस्तो देखाएको हो ।
विभागका अनुसार उक्त अवधिमा ३७ करोड ९८ लाख ३४ हजार रुपैयाँ बराबरका नेपाली मौलिक सुनका गहना निर्यात भएको छ ।
नेपालबाट अमेरिका, अष्ट्रेलिया र हङकङमा सुनका गहना पुग्ने गरेको छ । नेपालबाट गत वर्षदेखि सुनका गहना निर्यात हुन थालेको हो । नेपालबाट विदेशी मुलुकमा बन्न नसक्ने र नेपालीहरुको बसोबास बढी रहेको देशहरुमा गहना पुग्ने गरेको छ ।
चालु आवको तीन महिनाको अवधिमा सबैभन्दा बढी अमेरिकामा गहना निर्यात भएको विभागले जनाएको छ ।
असोज मसानतसम्म नेपालबाट २४ करोड ८५ लाख २६ हजार रुपैयाँ बराबरको गहना अमेरिका निर्यात भएको हो । उक्त देशमा २८ केजी बढीका सुनका गहना निर्यात भएको विभागले जनाएको छ ।
यस्तै, अष्ट्रेलियमा २ करोड ४२ लाख ६० हजार रुपैयाँ बराबरको सुनका गहना निर्यात भएको छ । असोज मसान्तसम्म उक्त देशमा ३ केजी बढीका गहना निर्यात भएको हो ।
त्यसैगरि हङकङमा भने ७० लाख ४८ हजार रुपैयाँ बराबरको गहना पुगेको छ । विभागका अनुसार उक्त देशमा ६४६ ग्रामको गहना निर्यात भएको हो ।
वि.सं.२०७८ कात्तिक २२ सोमवार १६:२५ मा प्रकाशित
