काठमाडौं । स्कोडा र्यापिड टीएसइआई अब १० लाख रुपैयाँ डाउपेमेन्टमा खरिद गर्न सकिने भएको छ ।
युरोपेली कार ब्रान्ड स्कोडाको नेपालीका लागि आधिकारिक बिक्रेता एमएडब्लु इन्टरप्राइजेजले यस्तो सुविधा ल्याएको हो ।
यो १.० लिटर, थ्री सिलिण्डर र ९९९ सीसी डीसप्लेसमेन्ट रहेको गाडी हो । स्कोडा र्यापिड टीएसआई नेपालमा विभिन्न ६ भेरियन्टमा उपलब्ध रहेको छ ।
यसको व्हीलबेस २५५२ एमएम, फ्यूल ट्यांक क्षमता ५५ लिटर रहेको छ । यसको माइलेज प्रतिलिटर १८.९७ किलोमिटर रहेको छ । सुरक्षा प्रणाली पनि एयरब्याज, एबीएस र ईबीडी रहेको छ । यो गाडीको सीट क्षमता ५ जना रहेको छ ।
यसको ग्राउन्ड क्लिरियन्स १६३ देखि १७३ एमएम रहेको छ । यसको उच्च गति ८५ प्र्रतिघण्ट १८५ किलोमिटर रहेको छ ।
यसले ५ हजारदेखि ५५ सय आरपीएम मा ११० पीएसको अधिकतम पावर र १ हजार ७५० देखि ४ हजार आरपीएम मा १७५ एनएम को अधिकतम टर्क उत्पन्न गर्न सक्छ ।
यस बाहेक १८.९७ किलोमिटर माइजेजको साथ ६ स्पीड म्यानुअल ट्रान्समिसनसंग जोडिएको हुन्छ । यसको अघिल्लो इन्जिनको तुलनामा टीएसआईले इन्धन दक्षता वृद्धि, सुधारिएको कार्यसम्पादन फिगर प्रदान गर्दछ ।
यसमा कार्टजकट एलइडी डीआरएस प्रोजेक्ट, अटोमेटिक हेडलाइट सिस्टमका साथै लाइट सेन्सर, अटो डाइमिङ रियर भ्यू मिरर, क्रुज कन्ट्रोल लगायतका अन्य उत्कृष्ट फिचर्सहरु रहेका छन् ।
स्कोडा र्यापिड टीएसआइ ३४ लाख ९० हजारदेखि ५१ लाख ९० हजार रुपैयाँसम्म मूल्यका रहेका छन् । यो व्रिलियन्ट सिल्भर, क्यान्डी ह्वाइट, कार्बन स्टील र टफी ब्राउन कलरमा उपलब्ध रहेको छ ।
कुन मोडेलको कति मूल्य ?
वि.सं.२०७८ कात्तिक २२ सोमवार १८:१६ मा प्रकाशित